صوت المحبّة أقوى من صمت القبور.

🌿✨ صوت المحبّة أقوى من صمت القبور…
بزهر الشعانين، بصوت “هوشعنا”، وبنور القيامة،
منعيد رسم الحياة بألوان الرجاء،
منلبّس الحجارة القديمة حبّ، ومنحوّل العتمة لفرح.

🕊️

ما دام الحبّ فينا عم ينفُض غبار القبر، ما منخاف الموت، ولا منغرق بالعتم والقهر. الحبّ مش بسّ كلمة… الحبّ هو قيامة، فيه المسيح نادانا من عتمة الدرب لنور السما والسلامة.

بلا حبّ، الطريق بتبقى مسكّرة، والقلب بيصير متل مقبرة مهدّمة ومكسّرة. بس وقت منحبّ، منرجع منشمّ نفس الحياة، منرجع منضوّي القلوب، ومنفتَح للفرح ألف باب ونجاة.

هوّي اللي قام من بين الأموات، علّمنا إنّو الحبّ هو نبض الحياة والثبات. يسوع بيحبّنا… وهيدا الحبّ مش بسّ حكاية، هيدا طريق وقيامة ونعمة من السما رايحة وجايي. ❣

رودا بدر